Idman.biz
La Liqanın prezidenti Xavyer Tebas İngiltərə Premyer Liqasını vəsaitlərini düzgün idarə etmədiyinə görə tənqid edib.
İdman.biz bu barədə "Mundo Deportivo"ya istinadən bildirir.
"Premyer Liqa elə qurulub ki, o, gəlirsizdir. Onun dövriyyəsi daha yüksəkdir. İngiltərə İspaniyadan daha zəngin ölkədir, buna baxmayaraq, kəsir həmişə var və biz yenə Premyer Liqanın gəlirsizliyi söhbətinə qayıdırıq. Bu, Avropanın qalan hissəsinə inflyasiya təsiri göstərir.
Mən investisiyalardan yox, itkilərdən danışıram. Transfer effektivlik nisbətinə baxsaq, bizim klublar və Almaniya klubları ən səmərəlidir. Levandovski deyib ki, Premyer Liqa 10 oyun keçirən və 6 qol vuran futbolçulara çox pul ödəyir. Bu, Premyer Liqanı daha dəyərli edir?
Gəlin "Qızıl top"a keçək. Rodri son illərdə istisna idi. Çox müqaavilə imzalayırlar, amma heç bir ulduz ala bilmirlər. Bu məni narahat etmir. Bizim titullarımız yenə də Premyer Liqadan çoxdur", - Tebas deyib.
İdman.biz
