Idman.biz
İspaniya millisinin keçmiş məşqçisi Xavyer Klemente, noyabr ayında Gürcüstan və Türkiyə ilə keçiriləcək DÇ-2026-nın seçmə mərhələsi oyunları üçün yığma komandanın heyətindən "Barselona"nın hücumçusu Lamin Yamalın çıxarılmasına münasibət bildirib.
İdman.Biz bildirir ki, Yamal tibbi səbəblərə görə İspaniya milli komandasından kənarlaşdırılıb. Lakin bu, milli komandanın tibb heyətinin razılığı olmadan baş verib və bu, məşqçilər heyəti arasında təəccüb və narazılığa səbəb olub.
"Xoruz döyüşü. Mən heç vaxt belə bir şeylə qarşılaşmamışam və heç vaxt da qarşılaşmayacağam, çünki işlərin necə olması barədə fərqli bir fikrim var. Aydındır ki, buna fərqli yanaşmaq lazımdır. "Barselona" federasiyaya, federasiya isə "Barselona"ya qarşı qoyulmamalıdır", - "Footmercato" Klementenin sözlərini sitat gətirir.
