Qol.az
"Barselona"nın futbolçusu Rafinya komandanın sabiq baş məşqçisi Xavidən danışıb.
QOL.az xəbər verir ki, 28 yaşlı hücumçu mütəxəssisin ona güvənmədiyini deyib:
"Mənə elə gəlirdi ki, Xavi və komandası mənə kifayət qədər güvənmirdi. Meydana çıxanda 60 dəqiqə ərzində hər şeyi etdim. Amma həmişə ilk əvəzlənən mən olurdum. Avropa Liqasında "Mançester Yunayted"lə matçda (2:2) ehtiyat oyunçular skamyasında oturdum. Məşqçi ilə çox danışdım, nəyisə dəyişməyə çalışdım, amma o, yerində dayandı, məni meydana buraxmadı".
Qeyd edək ki, Xavi ötən ilin yayında Kataoniya təmsilçisindən ayrılıb.
Xatırladaq ki, Rafinya cari mövsüm "Barselona"nın heyətində 52 oyun keçirib, 31 qol vurub və 25 məhsuldar ötürmə verib.
