Idman.biz
"Barselona"nın keçmiş baş məşqçisi Xavi müəyyən bir məqamda "blauqrana""da qoyduğu yüksək standartları qoruya bilmədiyini bildirib.
İdman.Biz bildirir ki, 45 yaşlı mütəxəssis 2021-ci ildən 2024-cü ilə qədər "Barselona"nı çalışdırıb. Onun rəhbərliyi altında komanda İspaniya liqasını və Superkubokunu qazanıb.
"Mən "Barsa"da məşqçilik karyerama oyunçular və klub üçün yüksək standartlar qoymaqla başladım. Klub elə bir dövrdən keçirdi ki, çox tələblər yox idi. Amma mənim səhvim bu yüksək standartları cəmi bir il - gəldiyim andan La Liqa və Superkuboku qazanana qədər (2022/2023 mövsümündə) saxlamaq oldu.
Bir müddət sonra özümə tənqidi yanaşaraq "lənət şeytana, mənə nə olub?" deyə bildim. Bu yüksək standartları aşağı saldım və oyunçular artıq eyni münasibəti, eyni hörməti, eyni səyi göstərmədilər. Standartlar o qədər aşağı düşdü ki, son mövsümümdə heç nə qazana bilmədik. Bundan çox şey öyrəndim. Özünə tənqidi yanaşmaq lazımdır", - "Mundo Deportivo" Xavinin sözlərini sitat gətirir.
