Sport24.az
İbrahim Uzunca ilə yolları ayıran "Xankəndi" yeni baş məşqçi axtarışına çıxıb. Sport24.az xəbər verir ki, rəhbərlik komandanın "sükanı arxasına" klubun iddiasına cavab verəcək mütəxəssis dəvət etmək niyyətindədir.
Kluba yaxın mənbədən readsksiyamıza daxil olan bilgiyə əsasən, qarşısına I Liqaya yüksəlmək məqsədi qoyan klubun ilk namizədi II Liqada əsas rəqibi olan "Qaradağ Lökbatan"ın çalışdırcısı Qəzənfər Abbasov olub. Rəsmilər hətta bununla bağlı sumqayıtlı məşqçiyə təklif göndəriblər. Ancaq Abbasov hazırkı iş yerindən ayrılmaq istəmədiyini, qəsəbə təmsilçisində hər şeyin onu qane etdiyini bildirib.
Hazırda boş qalan posta əsas namizəd mövsümün gedişində "Şəmkir"dən ayrılan Vüqar Nadirovdu. Mənbəmizin sözlərinə görə, artıq Nadirovla danışıqlar yekunlaşıb və fors-major yaşanmasa yaxın günlərdə onun təyinatı ictimaiyyətə açıqlanacaq.
