Sport24.az
"Bizim üçün vacib qələbə oldu. Futbolçularım ağır hava şəraiti, durumu yaxşı olmayan meydançada əlindən gələni etdilər". Bu sözləri Sport24.az-a açıqlamasında "Xankəndi"nin baş məşqçisi İbrahim Uzunca deyib.
Təcrübəli mütəxəssis komandasının İkinci Liqanın 12-ci turunda səfərdə "Quba"nı məğlub etdiyi oyunu şərh edib:
"hesab 1:0 olarkən heç nədən qol buraxdıq. Oyun tamamilə bizim nəzarətimiz altında idi. Meydançanın durumu ürəkaçan olmasa da, futbolçularım matça tez adaptasiya oldular. Yararlana bilmədiyimiz epizodlarımız oldu. Buraxdığımiz qol bir qapıçı üçün bəxtsiz qol idi. Fasilədə oyunçulara futbolda belə qolların olduğunu, həvəsdən düşməməyi və mütləq qalib gələcəyimizi dedim. İkinci hissədə yenə də oyunun nəzarəti bizim əlimizdə idi. Yaxşı komandamız var. Mövsümün sonunda qızıl medalları alacağımıza inanırıq. Mənim hakimlərdən xahişim var. Biz istəyirik meydanda oyun getsin. Hər şeyə görə fit səslənməsin. Onlar da insandırlar, səhv edə bilərlər. Amma daha da diqqətli olmalarını rica edirəm".
Qeyd edək ki, "Quba" - "Xankəndi" qarşılaşması qonaqların qələbəsi ilə başa çatıb - 1:2.
