Idman.biz
"Real"ın baş məşqçisi Xabi Alonso La Liqanın 10-cu turunda "Barselona"ya qarşı keçirilən (2:1) oyundan sonra komandasının cinah hücumçusu Vinisius Júnior barədə danışıb.
İdman.Biz xəbər verir ki, Alonso braziliyalı futbolçunun oyunundan razı qaldığını və onun komanda üçün vacib rol oynadığını vurğulayıb:
"Vinisius Júniorun çıxışından çox müsbət təsir alıram və əsas məqamı unutmamalıyıq. O, bu qələbəyə böyük töhfə verdi. Bu, vacib və tamamilə layiqli qələbə idi. Düşünürəm ki, penalti və qol imkanlarımızı nəzərə alsaq, hesab daha inamlı ola bilərdi. Əsas məsələ, komanda kimi yenidən rəqabət ruhunu qazanmağımızdır. Hər məşqçi bilir ki, oyunçuların xarakteri fərqlidir. İndi oyunun zövqünü çıxaracağıq, amma vaxtı gələndə bu məsələni soyunma otağında müzakirə edəcəyik".
Qeyd edək ki, Vinisius 72-ci dəqiqədə əvəzlənərkən Alonsoya etiraz edərək meydanı qəzəbli şəkildə tərk edib. O, birbaşa paltardəyişmə otağına getsə də, sonradan geri dönərək oyunun son hissəsini ehtiyat oyunçular skamyasında komanda yoldaşları ilə birlikdə izləyib.
