Qol.az
"Bayer" mövsümün sonunda komandadan ayrılacağı gözlənilən baş məşqçi Xabi Alonsonu əvəzləyə biləcək mütəxəssisləri nəzərdən keçirir.
QOL.az "Bild"ə istinadən xəbər verir ki, Leverkuzen təmsilçisinin idman direktoru Simon Rolfesin geniş siyahısı var.
Bu siyahının başında isə "Ajaks"ın çalışdırıcısı Françesko Fariolinin olduğu bildirirlir. 36 yaşlı məşqçinin ötən ildən işlədiyi "Ayaks" hazırda Niderland çempionatında liderdir. Onun Amsterdam klubu ilə müqaviləsi 2027-ci ilin iyununa qədərdir.
"Kicker"in məlumatına görə isə "Bayer"in baş məşqçisi vəzifəsinə namizədlərdən biri də Erik Tenh Haqdır. "Ayaks"dakı uğurlu nəticələri ilə tanınan mütəxəssis "Mançester Yunayted"də bunları təkrarlaya bilməyib və ötən ilin oktyabrında istefaya göndərilib.
Xatırladaq ki, Xabi Alonsonun mövsümün sonunda "Real"dan ayrılacağı gözlənilən Karlo Ançelottini əvəzləyəcəyi ilə bağlı xəbərlər yayılmaqdadır.
