Sport24.az
"Real"ın baş məşqçisi Xabi Alonso yarımmüdafiəçi Arda Gülərin La Liqanın 1-ci turunda "Osasuna" ilə oyunundakı çıxışını dəyərləndirib. İspaniyalı mütəxəssis bununla bağlı "As" nəşrinə açıqlama verib:
"Komandaya qoşulandan bəri Arda Gülər inanılmaz dərəcədə inkişaf edib. Həm də təkcə oyun keyfiyyəti baxımından deyil, həm də meydandakı mövqeyini başa düşməkdə və topla rəftarda. "Osasuna" ilə oyunun ilk hissəsində o, parlaq çıxış etdi və dəfələrlə topu rəqibdən aldı".
Qeyd edək ki. Gülər ötən mövsüm Madrid klubunun heyətində 44 oyun keçirib, 5 qol vurub və 9 məhsuldar ötürmə edib. Onun "Real"la müqaviləsi 2029-cu ilə qədərdir və oyunçunun bazar dəyəri 45 milyon avro olaraq qiymətləndirilir.
