Idman.biz
Madrid "Real"ının baş məşqçisi Xabi Alonso vəzifəsindən uzaqlaşdırılmayacaq.
İdman.Biz İspaniyanın "As" nəşrinə istinadən xəbər verir ki, klub rəhbərliyi ispaniyalı mütəxəssisə etimad göstərməkdə davam edəcək.
"Real"da hesab edirlər ki, komandanın hələ də yaxşı mövsüm keçirmək şansı var.
Lakin bu, əsasən futbolçuların fiziki durumunun yaxşılaşmasından asılı olacaq.
Rəhbərlik məhz bu amilin nəticələrə birbaşa təsir edəcəyini düşünür.
13:57
Madrid "Real"ının baş məşqçisi Xabi Alonso İspaniya Superkubokunun finalında "Barselona"ya məğlubiyyətdən sonra(2:3) işsiz qala bilər.
İdman.Biz xəbər verir ki, bu barədə İspaniya KİV-i məlumat yayıb.
Yanvarın 11-də Səudiyyə Ərəbistanında keçirilən qarşılaşma "Barselona"nın 3:2 hesablı qələbəsi ilə başa çatıb.
Mənbə iddia edir ki, "Real" rəhbərliyi Xabi Alonsonun oyundakı qərarlarından ciddi narazıdır və klub daxilində böyük narahatlıq hökm sürür.
Bildirilir ki, yaxın günlərdə klub rəhbərliyinin iştirakı ilə iclas keçiriləcək və həmin toplantıda ispan mütəxəssisin gələcəyi ilə bağlı qərar verilə bilər. İstefa variantının da real ehtimal olduğu vurğulanır.
Qeyd edək ki, İspaniya çempionatında "Real" hazırda 19 oyundan 45 xal toplayaraq turnir cədvəlinin ikinci pilləsində qərarlaşıb. Madrid klubu lider "Barselona"dan dörd xal geri qalır.
