Sport24.az
"Sumqayıta yaxşı nəticə üçün yollanmışdıq. Düşünürəm ki, oyunumuz pis alınmadı. Sadəcə, son saniyələrdə bəxtimiz gətirmədi və qapımızda qol gördük". Bu sözləri Sport24.az-a açıqlamasında "Səbail"in futbolçusu Vüsal Məsimov deyib.
"Dənizçilər"in müdafiəçisi onu da bildirib ki, komanda yeni formalaşırdığından bir qədər zamana ehtiyacları var: "Komandamız demək olar ki, mövsümlərarası fasilədə yenidən qurulub. Ötən illə müqayisədə düşərgədə yeni oyunçular çoxdu. Buna baxmayaraq, turlar ötdükcə daha yaxşı təsir bağışlayırıq. İstədiyimiz oyunu sərgiləmək üçün bir az da zaman lazımdı. Ondan sonda hər şey öz axarında olacaq. Şəxsi performansıma gəlincə, həmişə özümə tənqidi yanaşmışam. Məqsədim daim üzərimdə çalışmaq və əvvəlkindən daha da yaxşı formada olmaqdı".
Qeyd edək ki, Premyer Liqanın III turunda "Səbail" səfərdə "Sumqayıt"a 1:2 hesabı ilə məğlub olub.
