Idman.biz
"Millimizi çox çətin oyun gözləyir".
İdman.biz xəbər verir ki, bu sözləri Sport24.az-a Azərbaycan yığmasının sabiq futbolçusu Vurğun Hüseynov deyib.
Keçmiş müdafiəçi komandanın səfərdə İslandiyaya qarşı keçirəcəyi DÇ-2026-nın seçmə mərhələ matçı haqqında danışıb:
"İslandiya yığması evdə həddindən artıq aqressiv oynayır. Əgər qalib gəlmək və ya xal qazanmaq istəyiriksə, onlardan daha çox mübarizə aparmalıyıq. Standart vəziyyətlərdə çox diqqətli olmalıyıq. Qol buraxmasaq, istədiyimiz nəticəni qazana bilərik. Millimizə uğurlar arzulayıram".
Qeyd edək ki, bu gün baş tutacaq İslandiya - Azərbaycan oyunu saat 22:45-də start götürəcək.
İdman.biz
