Sport24.az
Bu günlərdə "Kəpəz"dən ayrılan Vurğun Hüseynovun yeni iş yeri müəyyənləşib. Sport24.az-ın əldə etdiyi məlumata görə, 36 yaşlı veteran futbolçu "Sumqayıt"ın futbol akademiyasında çalışacaq.
Klub rəhbərliyi ilə görüşdə Hüseynova aşağı yaş qruplarının birində çalışmaq təklif olunub. O, bununla razılaşıb. Veteran futbolçu "Sumqayıt"ın U-15 komandasında köməkçi məşqçi olacaq.
Qeyd edək ki, Hüseynov karyerası ərzində "Turan Tovuz", "Qəbələ", "Sumqayıt" və "Kəpəz"in formasını geyinməklə yanaşı, 15 matçda millinin də şərəfini qoruyub.
