Idman.biz
"Hələ ki özümü məşqçi hesab etmirəm. Biz özümüzü məşqçi hesab etsək, neçə illərdir nəticə qazanan məşqçilərə hörmətsizlik etmiş olarıq".
İdman.biz xəbər verir ki, bunu Misli Premyer Liqasının 35-ci turunda "Sumqayıt"a rəhbərlik etmiş Vurğun Hüseynov "Turan Tovuz"la oyundan sonra keçirilən mətbuat konfransında deyib.
O, doğma meydanda 0:1 hesablı məğlubiyyəti şərh edib: "Vüqar Mustafayev karyerasını başa vurdu. Ona ən xoş arzularımı çatdırıram. Biz demək olar ki, heç nə etməmişdik. Futbolçular sağ olsunlar, meydana çıxıb özləri oynadılar. Sonuncu ev oyunumuz idi. Azarkeşlərə yaxşı nəticə hədiyyə etmək istəyirdik. Amma olmadı. Neçə il futbol oynamışam. Amma məşqçilik tam başqa bir şeydir. Həqiqətən çox çətindir. Futbol oynamağa nə var ki? Məşqçi bütün kollektivə cavabdeh olmalıdır. Bunun üçün böyük təcrübə lazımdır. Məşqçi ola bilməsəm, başqa sahəyə yönələcəyəm. Vaqif müəllimə uğurlar arzulayıram. Məşqçi işi belədir. Bu gün işləyirsən, sabah işləmirsən. Futbolçular peşəkardır. Onların üzərinə düşən odur ki, meydana çıxıb mübarizə aparsınlar".
İdman.biz
