İdman.biz
II Liqada çıxış edən "Hypers Guba"nın baş məşqçisi Vüqar Nadirovun bir neçə gün öncə baş məşqçi postundan getməsinin səbəbi müəyyənləşib.
İdman.biz xəbər verir ki, klub rəhbərliyi ilə baş məşqçi arasında narazılıq yaşanıb.
Məsələnin kökündə isə maliyyə durur. Daha dəqiqi, Nadirovun məvacibi. Klub rəhbərliyi futbolçuların maaşını ödəsə də, 3 aydır baş məşqçiyə bir qəpik də vermirmiş. Məhz bu səbəbdən Nadirov klubdan ayrılmaq qərarını verib (Sport24.az).
Qeyd edək ki, 9 turdan sonra aktivində 18 xal olan "Hypers Guba" turnir cədvəlinin 4-cü pilləsində qərarlaşıb.
İdman.biz
