Idman.biz
Azərbaycan millisinin və "Qarabağ"ın sabiq hücumçusu Vüqar Nadirov II Liqa təmsilçisi "Şəmkir"in baş məşqçi postunu tərk edib.
Bu barədə fanat.az-a mütəxəssisin özü məlumat verib.
O, liqanın VI turu çərçivəsində dünən evdə "Qaradağ Lökbatan"dan alınan 0:1 hesablı məğlubiyyətin ardından rəhbərliklə vəziyyəti müzakirə edərək əməkdaşlığa son qoyduqlarını bildirib.
Qeyd edək ki, altı oyuna doqquz xal toplayan "Şəmkir" hazırda turnir cədvəlinin 6-cı pilləsində qərarlaşıb. Nadirov 2024-cü ilin yayından qərb təmsilçisinin "sükanı arxası"nda idi. Komanda onun rəhbərliyi altında 2024/25 mövsümünü 5-ci pillədə başa vurmuşdu. Millinin keçmiş forvardı bu ilin yayında baş məşqçi vəzivəsindən ayrılsa da, sonradan "Şəmkir"ə qayıtmışdı.
