Sport24.az
"Sabah "Qarabağ" ən çətin, taleyüklü oyunlarından birinə çıxacaq. Düşünürəm ki, Ağdam təmsilçisi Azərbaycan futbolunda daha bir uğur qazandıracaq". Bu sözləri Sport24.az-a açıqlamasında Vüqar Nadirov deyib.
Sabiq "Qarabağ"lı ağdamlıların necə oymaçalı olduğunu bildirib: "Futbolda hər şey mümükündü, bir şərtlə ki, meydanda əzmkarlıq nümayiş etdirəsən. Əminəm ki, Qurban müəllim ilk oyuna ən azı 5 dəfə baxıb və Zaqrebdəki səhvləri futbolçulara dönə-dönə göstərib. İlk görüşdə təmsilçimizin əsas çatışmazlığı bitiriciliklə bağlı idi. "Qarabağ" bu gün ilk dəqiqələrdən müdafiəni unutmamaq şərtiylə hücumda "dişli" olmalı, yaratdığı qol imkanlarından maksimum yararlanmalıdı. Erkən qol və ya qollarla xorvatları psixoloji cəhətdən "sındırmaq" olar. Bir ağdamlı kimi doğma komandamın uğur qazanmasını çox istəyirəm və bütün "Qarabağ" camiəsinə uğurlar arzu edirəm".
Qeyd edək ki, bu gün keçiriləcək "Qarabağ" - "Dinamo" oyununun start fiti saat 20:45-də səslənəcək.
ABDULLA İSMAYILOĞLU
