Idman.biz
"Rəhbərlik çox gözəl vida hazırlamışdı. Açığı, bu qədərini gözləmirdim. Bir az duyğulansam da, özümü saxlaya bildim. Hər şeyin sonu olduğu kimi futbolçuların da karyerasının sonu var. Amma məndə bir qədər tez oldu. Hazırlıqsız yaxalandım".
İdman.biz xəbər verir ki, bu sözləri futbolinfo.az-a açıqlamasında karyerasını bitirən "Sumqayıt"ın kapitanı Vüqar Mustafayev deyib.
Mustafayev son 2-3 ildə oyunlara ağrıkəsici ilə çıxdığını və buna görə karyerasını bitirmək qərarına gəldiyini bildirib: "Artıq son 2-3 il idi ki, oyunlara ağrıkəsici ilə çıxırdım. Ona görə artıq qərar verdim ki, mövsümsonu karyeramı yekunlaşdırım. Düzdür, bəzən pis mövsüm keçirdiyimiz də olub. Lakin geriyə baxdığımda xoş xatirələrimiz daha çoxdur".
Təcrübəli futbolçu gələcək planları ilə bağlı da danışıb. O, futbolun içində qalmaq niyyətində olduğunu qeyd edib: "Sağ olsun "Sumqayıt" rəhbərliyi, alıb məşqçi kimi işləməyi təklif ediblər. Lakin başqa təkliflərim də var. Düşünüb hər birini dəyərləndirib, sonda özümə ən uyğun olanını seçəcəm".
İdman.biz
