Sport24.az
İngiltərənin "Vulverhempton" klubu hücum xəttini yeni oyunçu ilə gücləndirib. Sport24.az xəbər verir ki, "qurdlar" "Fluminense"dən Con Ariası transfer edib.
Bu barədə klubun mətbuat xidməti məlumat yayıb.
"Vulverhempton" kolumbiyalı vinger üçün Braziliya klubuna 17+5 milyon avro təzminat ödəyəcək. 27 yaşlı ön xətt oyunçusu ilə imzalanan müqavilənin detalları barədə məlumat verilməyib.
Qeyd edək ki, "Fluminense" Con Ariası 2021-ci ilin yayında ölkəsinin "Santa Fe" klubundan transfer etmişdi. Kolumbiya millisinin üzvü cari mövsümdə A Seriyası təmsilçisinin heyətində meydana çıxdığı 35 rəsmi matçda 4 qol və 13 məhsuldar ötürmə ilə yadda qalıb.
