Report.az
Florian Virts klubu "Bayer 04"ə "Liverpul"a keçmək niyyətində olduğunu bildirib.
"Report" xəbər verir ki, bu barədə insayder Fabritsio Romano sosial şəbəkədə yazıb.
"Florian Virtz "Bayer Leverkuzen"ə "Liverpul"a keçmək istəyini çatdırıb", – jurnalist yazıb.
Onun sözlərinə görə, "müqavilə razılaşması əldə olunub, möhürlənib", çünki almaniyalı yarımmüdafiəçi "yalnız "Liverpul"a keçmək istəyir".
"Əvvəllər açıqlandığı kimi, klublar arasında danışıqlar artıq gedir, LFK razılaşmanı tezliklə tamamlayacağına əmindir. Uzun çəkməyəcək", – Romano vurğulayıb.
21:49Almaniyanın "Bayer 04" klubunun futbolçusu Florian Virts "Liverpul"a keçməyə yaxındır.
"Report" xəbər verir ki, bu barədə futbol insayderləri məlumat yayıb.
Belə ki, "The Athletic" üçün yazan Devid Ornsteyn "Bavariya"nın Florian Virtsin, cari komandasını tərk edəcəyi təqdirdə, "Enfild"də oynayacağına inandığını bildirib:
"Liverpul" Florian Virtsi əldə etmək cəhdlərində əhəmiyyətli impuls alıb, "Bavariya" isə hesab edir ki, plеymеykеr onlara qoşulmayacaq və o, bu yay "Bayer 04"ü tərk edərsə, "Enfild"ə getməyə hazırlaşacaq. Hər iki klub Virtsi istəyir, lakin hesab edilir ki, o, "Liverpul"a üstünlük verir".
Onun sözlərinə görə, 22 yaşlı futbolçu artıq ev axtarmaq üçün İngiltərənin şimal-qərbini ziyarət edib.
Fabritsio Romano isə "qırmızılar"ın Virtslə müqavilə bağlaya biləcəklərinə əmin olduqlarını qeyd edib. Onun sözlərinə görə, "yekun yaşıl işıq" üçün danışıqlar davam edir:
"Liverpul" "Bavariya" ilə "alman mirvarisi" uğrunda mübarizədə favoritdir".
Bundan başqa, o əlavə edib ki, Mersisayd təmsilçisi hücumameyilli yarımmüdafiəçi üçün rəsmi müraciət də edib:
"Oyunçudan ilkin razılıq aldıqdan sonra "Liverpul" və "Bayer 04" transfer məbləği/paketi üzərində danışıqlar aparırlar. "Liverpul" sürprizlərdən qaçmaq üçün sövdələşmənin tezliklə həyata keçirilməsini istəyir, uzun çəkməsini istəmir".
Qeyd edək ki, daha əvvəl Florian Virts "Mançester Siti" və "Real"ın 'radar"ında olmuşdu.
