Sport24.az
Liverpul"un mərkəz müdafiəçisi və kapitanı Vircil van Deyk Mersisayd klubundakı gələcəyi haqqında danışıb. Sport24.az xəbər verir ki, o, bu barədə "The Guardian" nəşrinə açıqlama verib:
"Bura gələ gündən çox xoş hadislərlə üzləşmişəm. İndi onları bir-bir xatırlayıb yada sala bilmirəm. Ancaq gələcəkdə bu haqda mütləq düşünəcəm.
Mən oynamağı, kapitan kimi komandanı meydana çıxarmağı və hər kəsin yanında olmağı sevirəm. Məsuliyyəti hər zamankindən daha çox hiss edirəm. Bəlkə də yavaş-yavaş qocaldığım üçün belədir. Özümü yaxşı hiss edirəm. Gələcəkdə nə baş verəcəyini görəcəyik".
Qeyd edək ki, 33 yaşlı müdafiəçi cari mövsümdə "Liverpul"un heyətində 29 oyuna çıxıb, 1 qol vurub və bir məhsuldar ötürmə edib. Niderlandlı Çempionlar Liqasında doqquz oyun keçirib və bir qol vurub.
