Lent.az
"Real"ın vingeri Vinisius Junior Səudiyyə Ərəbistanı klublarının əsas transfer hədəfi olaraq qalır.
Lent.az-ın xarici mediaya istinadla xəbərinə görə, bütün yerli top-klubların sahibi olan Səudiyyə Ərəbistanının suveren sərvət fondunun nümayəndələri görünməmiş təkliflə çıxış etməyə hazırdırlar.
Vinisiusun transferi üçün "Realaə 350 milyon dollar ödəməyə hazır olduqları qeyd edilir. Əgər müqavilə baş tutsa, bu, onu Neymarın hazırkı rekordunu (222 milyon dollar, 2017-ci ildə PSJ-yə transfer) keçərək, futbol tarixinin ən bahalı oyunçusu edəcək.
Bundan əlavə, Vinisiusun özü 1 milyard dollar qazana biləcəyi 5 illik müqavilə təklif etməyə hazırdırlar. Bu, braziliyalını tarixin ən çox qazanan futbolçusu edəcək.
Ötən mövsüm Vinisius "Real"ın heyətində 58 oyun keçirib, bu oyunda 22 qol vurub və 19 məhsuldar ötürmə verib ki, bu da onun futbol bazarındakı yüksək qiymətini təsdiqləyir.
