Idman.biz
"Real Madrid"in hücumçusu Vinisius Junior klubla müqaviləsini yeniləməyərək məşqçi Xabi Alonso ilə bağlı qərarı gözləyirmiş.
İdman.Biz bu barədə Fabrizio Romanoya istinadən bildirir.
Onun sözlərinə görə, məşqçi ilə oyunçu arasındakı münaqişə braziliyalı futbolçunun 26 oktyabr 2025-ci ildə La Liqada "Barselona" ilə oyunda əvəzlənməsinə verdiyi reaksiyadan qaynaqlanıb.
"Xabi ilə bəzi oyunçular arasındakı münasibətlər bir neçə aydır gərgin idi. Hamımız mövsümün ilk yarısının ilk "El Klasiko"sunda baş verənləri gördük. "Real Madrid" həmin matçda "Barselona"nı məğlub etdi, amma hamımız Vinisius Juniorun reaksiyasını xatırlayırıq.
Bundan sonra Xabi Alonso onunla münasibətlərini düzəltməyə və ortaq məxrəc tapmağa çalışdı. Amma xatırlayırsınızsa, mən Vinisiusun "Real Madrid"lə yeni müqaviləsi haqqında danışmışdım. Bu vəziyyətdə oyunçu Xabi Alonso ilə nə baş verəcəyini gözləyirdi. Deməli, Vinisiusla bağlı hekayə başlanğıc nöqtəsi idi", - Romano YouTube yayımında bildirib.
