Sport24.az
Səudiyyə Ərəbistanının "Əl-Əhli" klubu futbolçu Vinisius Juniorun transferi ilə bağlı "Real"la danışıqlar aparır. Sport24.az xəbər verir ki, bu barədə "Globo" məlumat paylaşıb.
Məlumata əsasən Səudiyyə Ərəbistanı təmsilçisi braziliyalı vinger üçün Madrid klubuna bir milyard avro ödəməyə hazırdır. Əgər transfer reallaşsa, futbolçu tarixin ən çox maaş alan idmançısı olacaq. Müqavilənin qüvvədə olduğu 5 il ərzində Vinisius bir milyard avrodan çox qazanacaq.
Qeyd edək ki, 24 yaşlı Vinisius 2018-ci ilin iyulundan "Real"da çıxış edir. "Kral klubu"da 176 matça çıxan Vinisius 49 qolla yadda qalıb.
