Sport24.az
Hazırda Səudiyyə Ərəbistanı klublarından "Real"ın oyunçusu Vinisius Juniora təklif yoxdur. Sport24.az xəbər verir ki, bu barədə "As" nəşri məlumat yayıb. Bir müddət əvvəl mətbuatda braziliyalıya beş mövsüm üçün 1 milyard avro maaş təklif edən Səudiyyə klubunun olduğu barədə xəbərlər yayılmışdı.
Nəşrdə yazılanlara əsasən, "Kral klubu" braziliyalı cinah oyunçusu ilə müqaviləni yeniləməsə, o, digər klublardan bir o qədər çox təklif alacaq. Ola bilsin ki, Səudiyyə Ərəbistanı təmsilçiləri Vinisiusla müqavilə bağlaya bilər.
Qeyd edək ki, mətbuatda hücumçunun yeni müqavilə ilə bağlı klubla danışıqları dayandırdığı haqda məlumat yayılıb. Futbolçunun "Real" ilə hazırkı sözləşməsi 2027-ci ilin yayında başa çatır.
