Sport24.az
"Real" futbolçusu Vinisius Junior ilə müqaviləsini uzatmağa razılaşıb. Sport24.az xəbər verir ki, bu barədə sport.es məlumat yayıb. Tərəflər 2030-cu ilə qədər müqavilə imzalayacaqlar.
Müqaviləyə əsasən, braziliyalı futbolçu ildə 20 milyon avrodan çox qazanacaq. Lakin onun gəliri bonuslar da daxil olmaqla 30 milyon avronu aşmayacaq.
Vinisius hücumçu Kilian Mbappe ilə birlikdə "kral klubu"nun ən çox maaş alan futbolçusu olacaq.
Xəbərdə o da vurğulanır ki, maaş limitinin pozulması "Real"ı öz siyasətinə yenidən baxmağa vadar edə bilər. Çünki klubun ulduzlarının da Vinisiusdan nümunə götürərək maaş artımını istəməsi riski var.
Qeyd edək ki, Vinisiusun hazırkı müqaviləsi 2027-ci ilin yayına kimi nəzərdə tutulub.
