Sport24.az
"Real"ın hücumçusu Vinisius Junior Çempionlar Liqasının pley-off mərhələsinin "Mançester Siti" ilə ilk oyunundan sonra açıqlama verərək, Madrid klubunu tərk etməsi ilə bağlı yayılan xəbərlərə münasibət bildirib. Sport24.az "Marca"ya istinadən xəbər verir ki, braziliyalı ulduz gələcəyi ilə bağlı hələ qəti qərar vermədiyni bildirib:
"Hələ heç nə bilmirəm (Səudiyyə Ərəbistanından gələn təkliflər barədə), mənimlə heç kim danışmayıb. Prezidentlə görüşməliyəm. Həmişə demişəm ki, arzum karyeramı "Real"da davam etdirmək və burada tarix yazmaqdır. Yaxın günlərdə Madrid klubu ilə yeni müqaviləmlə bağlı danışıqları davam etdirəcəm. Ümid edirəm ki, burada uzun müddət qalacam".
Qeyd edək ki, bir müddət əvvəl mətbuatda Vinisiusun "Real" ilə müqaviləni yeniləməkdən imtina etdiyi barədə məlumatlar yayılmışdı. Ona ildə 15 milyon avro təklif edildiyi iddia olunur. Vinisiusun klubla hazırkı müqaviləsi 2027-ci ilin yayına kimi nəzərdə tutulub.
