Idman.biz
"Real Madrid"in və Braziliya millisinin hücumçusu Vinisius Junior bir gün əvvəl ondan ayrılan model Virciniya Fonsekadan üzr istəyib.
İdman.Biz xəbər verir ki, futbolçu başqa qadınlarla mesajlaşdığı üçün model ondan ayrılmaq barədə qərar vermişdi.
"Hamımız bizi düşünməyə və inkişaf etdirməyə məcbur edən vəziyyətlərdən keçirik. Bu yaxınlarda məni düşünməyə və davranışımın olmaq istədiyim şəxsə və sahib olmaq istədiyim münasibət növünə uyğun gəlmədiyini etiraf etməyə məcbur edən bir vəziyyətlə qarşılaşdım.
Virciniya inanılmaz bir qadın, gözəl anadır, ona qarşı böyük sevgi və hörmətim var. Tanış olduğumuzdan bəri o, mənimlə olmaq üçün gündəlik həyatını və öhdəliklərini geridə qoyaraq üç dəfə Madridə gəldi.
Mən gözəl bir ana və inanılmaz tərəfdaşla tanış oldum. Hələ cütlük olmasaq da, aramızda həqiqi bir əlaqə yarandı. Diqqətsiz davrandığımı, özümü ən yaxşı şəkildə aparmadığımı və onu məyus etdiyimi etiraf etməkdən utanmıram.
Buna görə də mən açıq şəkildə ürəkdən üzr istəmək istəyirəm, çünki başa düşürəm ki, həqiqi münasibət yalnız hörmət, etibar və dürüstlük olduqda mövcuddur.
İndi məqsədim yenidən başlamaqdır. Yalansız, mübahisəsiz, maskasız. Böyük sevgi, həssasiyyət və hörmətlə", - Vinisius sosial şəbəkədə yazıb.
