top
Vild-Donald Gerye: “Azərbaycan millisi qələbə qazanmaq istəyirsə, çox çalışmalı olacaq” Sport24.az
22 mart 2025, 13:40
- +

Vild-Donald Gerye: “Azərbaycan millisi qələbə qazanmaq istəyirsə, çox çalışmalı olacaq”

Azərbaycan milli komandası 2025-ci ildə ilk oyununu bu gün Haiti yığmasına qarşı keçirəcək. Müxtəlif illərdə azsaylı haitili futbolçu Azərbaycan Premyer Liqasında çıxış edib. Onların içində ən tanınmışı və uğurlusu, şübhəsiz ki, Vild-Donald Geryedir.

 

Ölkəmizdə daha çox "Qarabağ"ın heyətindəki yüksək səviyyəli çıxışı ilə yadda qalan 35 yaşlı müdafiəçi, həmçinin "Neftçi" və "Zirə"nin də formasını geyinib.

 

Gerye Haiti millisinin heyətində 59 oyun keçirib, 10 qola imza atıb. 2023-cü ildən bəri yığmaya çağırılmayan sol cinah oyunçusu AFFA-nın mətbuat xidmətinə müsahibəsində qarşıdakı yoldaşlıq görüşü barədə fikirlərini bildirib. O, Azərbaycanda keçirdiyi illəri də yada salıb.

 

- Azərbaycan və Haiti milliləri arasında keçiriləcək yoldaşlıq oyunu barədə nə deyə bilərsiniz?

- Çox sevinirəm ki, millimiz mənə doğma olan Azərbaycan kollektivi ilə qarşılaşacaq. Bizim çox yaxşı futbolçularımız var. İndiki məqamda demək olmaz ki, hansı komanda güclü, hansı zəifdir. Maraqlı oyun alınacağına şübhə etmirəm. Matçın hansı axarda keçəcəyini, necə nəticələnəcəyini təxmin etmək çətindir. Azərbaycan millisi qələbə qazanmaq istəyirsə, çox çalışmalı olacaq. Çünki Haiti yığması heç də zəif deyil. Hər iki komandaya uğurlar arzulayıram. Onların ifasında maraqlı oyun izləmək istəyirəm. İnanıram ki, azarkeşlər həmin matçdan zövq alacaqlar. O ki qaldı hansı komandaya azarkeşlik edəcəyimə, hər iki komandanı dəstəkləyəcəyəm. Çünki Haiti də, Azərbaycan da mənim evimdir. Kim qalib gəlsə, onun da uğuruna sevinəcəyəm.

 

- Hər iki komanda DÇ-2026-nın seçmə mərhələsinə hazırlaşır. Bu oyun həm Azərbaycan, həm də Haiti millisinə nə dərəcədə fayda verəcək?

- Fikrimcə, bu qarşılaşmanın Azərbaycan və Haiti yığmalarına faydası böyük olacaq. Qarşıdakı rəsmi oyunlara – dünya çempionatının seçmə mərhələsinə hazırlıq baxımından komandalar uğurlu rəqib seçiblər.

 

- Azərbaycanda "Qarabağ", "Neftçi" və "Zirə"də çıxış etmisiniz. Haiti millisinin heyətində Azərbaycana qarşı oynamaq şansınız olmadığı üçün təəssüflənmirsiniz?

- Buna görə çox təəssüflənirəm. Hətta deyərdim ki, indi millidə olmadığım üçün peşmanam. Yığmada olduğum vaxtlarda Azərbaycana qarşı oynamaq şansım yaranmamışdı. Bu komandalar arasında yoldaşlıq görüşünün keçirilməsi üçün vaxtilə cəhdlər etmişəm. Ancaq bu, çox çətin prosesdir. Qarşıdakı matçda da iştirak edə bilməyəcəyim üçün məyusam.

 

- Oyunu izləmək üçün Azərbaycana gəlməyi planlaşdırmırsınız?

- Təəssüf ki, həmin görüşü Azərbaycanda izləyə bilməyəcəyəm. Buna görə məyusam. Matçı stadiondan izləyənlər arasında olmağı çox istərdim. Şərhçi və ya qonaq qismində ora gəlmək gözəl olardı. Çünki Azərbaycana qayıtmaq mənim arzularımdan biridir. "Qarabağ" klubu inkişafımda böyük rol oynayıb. Həmçinin "Neftçi" və "Zirə"yə, onların azarkeşlərinə də təşəkkürümü bildirirəm. Azərbaycanda bir dəfə ilin ən yaxşı əcnəbi futbolçusu seçilmişəm. Karyeramın ən gözəl anlarını "Qarabağ"da yaşamışam. Orada qazandığımız uğurlar möhtəşəm idi. Futbolçu kimi böyüməyimdə töhfəsi olan Qurban Qurbanova da buradan salamımı göndərirəm. Azərbaycana fərqli mentalitetdən gəlmişdim, xasiyyətimdə də bəzi nöqsanlar var idi. Bu səbəbdən Qurban müəllim ora uyğunlaşmağım üçün mənə güzəştlər etdi. Onun tələbkarlığı həyatımda çox şeyi dəyişdi. Bir neçə dəfə intizamsızlıq etsəm də, baş məşqçi məni bağışlamışdı. Qurban Qurbanov bizə ata kimi idi. Səhvlərimə göz yumurdu, mənə çox dəstək olurdu.

 

- Azərbaycana gələn ilk haitili futbolçulardan birisiniz. Ölkəmizlə bağlı xatirələriniz necədir?

- Azərbaycanda gözəl günlər keçirdim, çox xoşbəxt idim. Orada olduğum illər ərzində heç vaxt nə bir təhlükə, nə də irqçiliklə rastlaşdım. Bu oyunda da feyr-pleyə yüksək səviyyədə əməl olunacağına əminəm. Çünki Azərbaycan xalqından, oradakı azarkeşlərdən daim sevgi, xoş münasibət görmüşəm. Məni darıxmağa qoymurdular. Onların bu rəftarını heç vaxt unutmaram. Azərbaycan daim mənim qəlbimdədir. Əminəm ki, Azərbaycan xalqı, futbol azarkeşləri və yerli federasiya bizim futbolçuları yaxşı şəkildə qarşılayacaqlar. Bu, əsl dostluq oyunu olacaq. Azərbaycan barədə ancaq xoş sözlər deyə bilərəm. Övladım orada dünyaya göz açıb, qonaqpərvər və müasir ölkədir. Azərbaycanda beynəlxalq oyunlar zamanı meydanda və ondan kənarda xoşagəlməz hadisələr yaşanmır. Bu dəfə də neqativ heç nə olmayacaq. Hətta indidən deyə bilərəm ki, haitili futbolçular orada özlərini öz evlərindəki kimi hiss edəcəklər. Bunu onların özlərinə də demişəm. Gözəl ölkəyə gedəcəkləri barədə futbolçularımızı məlumatlandırmışam.

 

- Haiti millisi 2023-cü ilin oktyabrından bəri məğlub olmayıb. Komandanızın yüksəlişdə olması millimizin işini çətinləşdirə bilər?

- Razıyam ki, Haiti millisi hazırda yaxşı formadadır. Ancaq düşünürəm ki, daha yaxşı ola bilərlər. Çünki potensialları bundan da uğurlu nəticələr əldə etməyə imkan verir. Uzun müddətdir müsbət nəticələr qazanırlar, yüksəlişdədirlər. Oyun zamanı bunu özünüz də görəcəksiniz. Əlbəttə ki, Azərbaycan millisi də mübarizə aparacaq, asanlıqla təslim olmayacaq.

 

- Azərbaycan millisinin baş məşqçisi tanınmış portuqaliyalı mütəxəssis Fernandu Santuşdur. Sizcə, o, millimizə uğur qazandıra bilər?

- Fernandu Santuşu çox gözəl tanıyıram. O, dünya futbolunda sözünü demiş mütəxəssislərdəndir, uğurlu fəaliyyətini uzun illərdir həsədlə izləyirik. Onun Azərbaycan millisinə də xeyir verəcəyinə şübhə etmirəm. Sadəcə, bunun üçün zamana ehtiyac var.

 

- Haiti yığmasının heyətində hansı futbolçuları millimiz üçün daha təhlükəli hesab edirsiniz?

- Haiti millisi Frontdi Pyero kimi təhlükəli hücumçuya sahibdir. Düşünürəm ki, komandanız ona qarşı diqqətli olmalıdırlar. O, yüksək səviyyəli futbolçudur, millinin aparıcı üzvlərindən biridir. AEK klubunun heyətində Yunanıstanda çox yaxşı çıxış edir. Həmçinin Rikardo Ade də çox təcrübəli oyunçudur. O isə Ekvador çempionatındakı çıxışı ilə diqqət çəkir. Fiziki cəhətdən çox güclüdür. Onu bu göstəricilərinə görə "Qarabağ"dakı Kevin Medina ilə müqayisə edə bilərəm. Adeni hətta bir neçə il əvvəl "Qarabağ"a məsləhət görmüşdüm. Orta sahədə yer alan Denli Jan-Jakın da adını çəkə bilərəm. Gənc və istedadlı futbolçudur, yarımmüdafiə xəttində önəmli işlər görür. Bir sözlə, Haitinin heyətində çox yaxşı futbolçular var. Gənclər və təcrübəlilərdən ibarət möhkəm kollektiv formalaşıb. Azərbaycanlı futbol azarkeşləri də bunun canlı şahidi olacaqlar. Bəlkə də, bəziləri millimizin potensialının aşağı olduğunu düşünür. Ancaq Haiti yığmasının nəyə qadir olduğunu özünüz görəcəksiniz. Təbi ki, Azərbaycan millisi də keyfiyyətli, rəqibə problemlər yaradacaq futbolçulara sahibdir.

İş Elanları
Rəylər (0)

Qarabağ FK

Son xəbərlər

Futbol
Bu gün, 13:09

"Barselona" - "İnter" oyunu hansı kanallarda yayımlanacaq?

Olimpiada
Bu gün, 13:07

Nazir: "Bu gün MDB Oyunları ilə əlaqədar olaraq Gəncə və Göyçay şəhərlərinə səfər edib, təmir işləri ilə tanış olacağıq."

Olimpiada
Bu gün, 13:06

Fərid Mansurov: "Prezident Kuboku-2025"-in Suqovuşanda təşkili Azərbaycan idmanının inkişafına əhəmiyyətli dəstəkdir

Basketbol
Bu gün, 13:01

Azərbaycanı gələn mövsüm Avropa kuboklarında iki basketbol klubu təmsil edə bilər

Futbol
Bu gün, 13:00

"Beşiktaş"ın futbolçusu "Lids"in maraq dairəsindədir

Futbol
Bu gün, 12:56

Barselona – İnter: Montjuikdə Çempionluq Nəfəsi Gələn Gecə

Digər
Bu gün, 12:50

Fərid Qayıbov: "İl keçdikcə "Prezident Kuboku"na olan maraq getdikcə yüksəlir"

Cüdo
Bu gün, 12:49

Rüstəm Orucov - Beynəlxalq Cüdo Federasiyası tərəfindən keçirilən sorğuda

Boks
Bu gün, 12:40

ABŞ-da UFC döyüşçüsü həbs olunub

Futbol
Bu gün, 12:39

"Neftçi"nin keçmiş baş məşqçisi təkrarən işdən çıxarıldı

Şahmat
Bu gün, 12:39

Malayziyada şahmat turniri - Azərbaycan Milli Liderinin Anım Günü 2025

Futbol
Bu gün, 12:39

"Arsenal"ı lağa qoyan banner

Olimpiada
Bu gün, 12:38

Füzulidə xüsusi tədbir keçirilib - FOTO

Futbol
Bu gün, 12:34

"Kəpəz" klubu 1000 manat, "Qarabağ" klubu isə 1500 manat məbləğində cərimə olundu

Futbol
Bu gün, 12:32

İki ayrı komandanın baş məşqçisi hakimlərə qarşı təhqiramiz davranışa görə cəzalandırılıb

Futbol
Bu gün, 12:27

"Səbail"in əcnəbi futbolçusu referini təhqir etdi, sərt şəkildə cəzalandırıldı

Futbol
Bu gün, 12:25

"Metak"ın baş məşqçisi ikiqat cərimələndi

Olimpiada
Bu gün, 12:21

Millimiz Türkiyədə təlim-məşq toplanışı keçirəcək

Futbol
Bu gün, 12:20

Super Kubok oyununda hakimin arılar tərəfindən hücuma məruz qalması - VİDEO

Futbol
Bu gün, 12:19

PSJ oyunu ən azı 2-3 qol fərqi ilə uda bilərdi

Futbol
Bu gün, 12:17

Ombudsman Aparatında problemləri olan əcnəbi futbolçu ilə görüş keçirilib - VİDEO

Futbol
Bu gün, 12:15

Azərbaycan klubuna texniki məğlubiyyət qeydə alınıb

Futbol
Bu gün, 12:13

"Sabah"ın futbolçusu, hakimi təhqir etdiyinə görə diskvalifikasiya edilib

Voleybol
Bu gün, 12:11

"Azərlotereya"nın dəstəyi ilə yeni voleybol komandası təsis edilib

Oxşar xəbərlər

Sportnews.az — Azərbaycanın və dünyanın idman xəbərləri, ən son nəticələr və hadisələr

Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.

Saytımızda siz tapa bilərsiniz:

  • Futbol: yerli və beynəlxalq liqalar, xüsusi diqqət — "Qarabağ" FK

  • Tennis, şahmat, gimnastika, voleybol, basketbol

  • Döyüş növləri: boks, güləş, cüdo

  • Formula 1 və Olimpiya Oyunları

  • Eləcə də diqqətəlayiq digər idman növləri

Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.

Niyə məhz Sportnews.az:

  • Yalnız aktual və etibarlı xəbərlər

  • Azərbaycan və dünya idmanının tam əhatəsi

  • Rahat struktur, müntəzəm yenilənmələr, obyektiv baxış

Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.