Idman.biz
"Qalatasaray"ın nigeriyalı ulduzu Viktor Osimhenin klubdakı gələcəyi sual altına düşüb.
İdman.biz Türkiyə mətbuatına istinadən xəbər verir ki, 26 yaşlı ulduz futbolçu "sarı-qırmızılar"la 5 illik müqavilə imzalamaq istədiyini bildirib.
O, bu müddətdə illik 20 milyon avro maaş gözləntisi olduğunu da vurğulayıb. İstanbul təmsilçisi Osimhenin müqavilə ilə məxsus olduğu "Napoli"yə də 75 milyon avro ödəməlidir. Bu səbəbdən hazırda "sarı-qırmızılar" Viktorun təklifinə necə cavab verəcəyi məlum deyil.
Qeyd edək ki, Viktor Osimhen ötən ilin sentyabrından "Qalatasaray"da çıxış edir. Bu müddət ərzində 41 matçda meydana çıxan forvard 37 qol və 8 məhsuldar ötürmə ilə yadda qalıb. O, Türkiyə çempionatı və kubokunda da qələbə qazanıb. "Transfermarkt" portalına əsasən, Osimhenin dəyəri 70 milyon avrodur.
İdman.biz
