Sport24.az
"Qalatasaray"da icarə əsasında çıxış edən "Napoli"nin hücumçusu Viktor Osimhen karyerasını Səudiyyə Ərəbistanında davam etdirə bilər. Sport24.az "Foot Mercato"ya istinadən xəbər verir ki, 26 yaşlı nigeriyalı futbolçu "Əl-Hilal"ın maraq dairəsinə düşüb.
Forvardın "Qalatasaray"la müqaviləsi cari mövsümün sonunda başa çatır. Lakin onun İtaliya klubu ilə münasibətləri gərgin olduğundan "Napoli"yə qayıtması ehtimalı azdır.
Qeyd edək ki, Osimhenlə daha əvvəl "Çelsi", "Mançester Yunayted" və "Yuventus"un maraqlandığı bildirilirdi. "Transfermarkt" portalı oyunçunun dəyərini 70 milyon avro olaraq qiymətləndirir.
