Sport24.az
"Yunis Hüseynov heç vaxt köməkçi məşqçi olmayıb. Karyerası ərzində ancaq baş məşqçi kimi işləyib. Özünün qərarıdır. Nəyə görə belə bir seçim edib özü bilir". Bu sözləri Sport24.az-a açıqlamasında Vidadi Rzayev Yunis Hüseynovun "Turan Tovuz" klubunda baş məşqçi Kurban Berdıyevin köməkçisi təyin olunmasına münasibət bildirərkən deyib.
Veteran futbolçu Yunis Hüseynovun "Turan Tovuz"a keçidini alqışlayıb:
"Turan Tovuz"un mənim qəlbimdə xüsusi yeri var. İlk Azərbaycan çempionluğumu bu komanda ilə yaşamışam. Baxmayaraq ki, köməkçi olacaq, Yunisin bu addımını alqışlayıram. Qərarı özü verib, hörmətlə yanaşıram. Yəqin ki, düşünüb addım atıb. Yunis bildirib ki, Kurban Berdıyev onun məşqlərində iştirak edib. Berdıyevdən öyrəniləsi çox şey var. Öyrənmək də heç vaxt gec deyil.
