Sport24.az
"Azər Bağırov "Kəpəz"də qalmalı idi. Zəhmət çəkib komandanı Premyer Liqada saxladı. Azər Bağırov çətin vəziyyətdə məsuliyyəti üzərinə götürdü. Niyə saxlamadılar? Bu suala artıq rəhbərlik cavab verməlidir". Bu sözləri Sport24.az-a açıqlamasında Vidadi Rzayev deyib.
Veteran futbolçu Azər Bağırovun "Kəpəz"dən getməsinə münasibət bildirib:
"Ssenari davam edir: Yaşar Vahabzadə getdi, Tərlan Əhmədov gəldi, Əhmədov getdi, Azər Məmmədov gəldi. Onu Adil Şükürov əvəzlədi və "Kəpəz"i liqada saxlaya bildi. Eyni vəziyyət oldu, Azər Bağırov gəldi. 6 aya məşqçi işi olmur. Deməli problem rəhbərlikdədi. Gələcəkdə necə olacaq deyə bilmərik. Azər Bağırovun gedişi belə düşünməyə əsas verir ki, klubda işlər düz getmir. Yerli məşqçilər olduğu halda əcnəbilərin gəlib işləməsinin tərəfdarı deyiləm. Əziyyət çəkirlər, oxuyurlar, əcnəbi gəlib çalışır. Bütün nailiyyətləri yerli məşqçilər qazanıb".
Qeyd edək ki, ötən tur Misli Premyer Liqasının sonuncu - XXXVI turunun "Turan Tovuz" - "Kəpəz" oyunundan sonra Gəncə təmsilçisinin baş məşqçisi Azər Bağırov komanda ilə vidalaşıb.
