Idman.biz
İngiltərənin "Vest Hem" klubu cari transfer pəncərəsində qış transferlərinə bütün klublardan daha çox pul xərcləyib.
Bu barədə İdman.Biz Transfermarkt-a istinadən bildirir.
Belə ki, "Vest Hem" hücumçu Pablo Felipe üçün Portuqaliyanın "Jil Visente" klubuna 23 milyon avro, hücumçu Valentin Kastelyanos üçün isə İtaliyanın "Latsio" klubuna 29 milyon avro ödəyib.
"Vest Hem"in qış transferlərinə ümumi xərci 52 milyon avrodur və bu, onları dünyanın ən çox pul xərcləyən klubuna çevirir. Londonun "Kristal Palas" klubu ikinci yerdədir (40 milyon avro). İlk beşliyə həmçinin Almaniyanın "Ayntraxt Frankfurt" klubu (19,3 milyon avro), ABŞ-ın "İnter Mayami" klubu (15 milyon avro) və Portuqaliyanın "Sportinq" klubu (14 milyon avro) daxildir.
