Idman.biz
Londonda "Kristal Pelas"la oyun öncəsi minlərlə "Vest Hem" azarkeşi stadionun qarşısında etiraz aksiyası keçirib.
İdman.biz bildirir ki, azarkeşlər "Bredi və Sullivan getsin" kimi şüarlar səsləndirərək, klubun sahibi Devid Sullivan və vitse-prezident Karren Bredinin istefasını tələb ediblər. Təşkilatçılar hər ev matçından əvvəl oxşar yürüşlər vəd edib və oktyabrın 20-də Brentfordla oyunu boykot etməyə çağırıblar.
Etirazlar bir sıra zəif nəticələrdən sonra güclənib. "Vest Hem" fevral ayından bəri London stadionunda qalib gəlmir və cari mövsümə pis başlayıb: "Sanderlend"ə 3-0 və "Çelsi"yə 5-1-lik məğlubiyyətlə.
Baş məşqçi Qrem Potterin mövqeyi vəziyyəti daha da mürəkkəbləşdirir. "Kristal Pelas"a 2:1 hesablı məğlubiyyətdən sonra mətbuatda çıxan xəbərlər klubun onun istefasını nəzərdən keçirdiyini bildirir. Klub Premyer Liqada 18-ci yerə düşüb və Britaniya mətbuatının yazdığına görə, Hari O'Nil Potterin mümkün davamçısı kimi qəbul edilir.
İdman.biz
