Sport24.az
"Vest Hem" "Verder"in yarımmüdafiəçisi Romano Şmidi transfer etməyi düşünür. Sport24.az xəbər verir ki, "The Guardian" məlumat yayıb.
Mənbənin sözlərinə görə, alman klubu 25 yaşlı avstriyalı üçün 15 milyon avro istəyir. Futbolçu ilə "Aston Villa" və "Fulhem" də maraqlanır.
Qeyd edək ki, Şmid 2024/25 mövsümündə "Verder"in heyətində bütün turnirlərdə 35 matçda 5 qol vurub və 6 məhsuldar ötürmə edib. O, 2019-cu ilin yanvarından Bremen klubunda çıxış edir.
