Idman.biz
Almaniyanın "Bavariya" klubunun baş məşqçisi Vensan Kompani 17 yaşlı futbolçusu Lennart Karlın "Real"la bağlı açıqlamasına münasibət bildirib.
İdman.Biz xəbər verir ki, belçikalı mütəxəssis məsələyə geniş kontekstdə baxılmasının vacibliyini vurğulayıb və futbolçunun davranışını anlayışla qarşıladığını deyib.
Kompaninin sözlərinə görə, Karl hər gün yüksək səviyyədə məşq edir və komandaya həm hücumda, həm də müdafiədə böyük töhfə verir.
Baş məşqçi bildirib ki, gənc futbolçu dediklərinə görə dərhal üzr istəyib və məsuliyyətli davranıb.
Kompani isə mövzunun mediada geniş müzakirə olmasına baxmayaraq futbolçunun diqqətinin yayındırılmaması üçün onunla bu barədə danışmamağı üstün tutub.
Kompani vurğulayıb ki, əsas meyar futbolçunun məşqlərdə və oyunlarda göstərdiyi münasibətdir:
"Əgər o pis məşq etsəydi və ya 100 faizini ortaya qoymasaydı, problem olardı. Lakin Karl bunun əksini edib, yaxşı məşq edib, yaxşı oynayıb və çox çalışıb".
Qeyd edək ki, Lennart Karlın "Real Madrid"lə bağlı sözləri Almaniya mediasında müzakirələrə səbəb olmuşdu, lakin klub daxilində məsələ böyüdülməyib və bağlanmış hesab olunur.
