Sport24.az
"Betis"in əvvəlki oyunlarını izləmişəm. Komandanın finala çıxması xoş oldu". Bu sözləri Sport24.az-a açıqlamasında veteran futbolçu Vəli Qasımov deyib.
O, sabiq komandası "Betis"in UEFA Konfrans Liqasının finalına yüksəlməsi ilə bağlı fikirlərini bölüşüb:
"Finalda qələbə qazanmalarını arzulayıram. Hazırda klubda işləyənlər mənimlə eyni dövrdə komandada oynayanlardır. Tanışlarımdır, əlaqələrimiz hələ də var. Finala yüksəlmələri münasibəti ilə təbrik də etdim. Hətta keçən il İspaniyada görüşmüşdük".
Qasımov komandanın Konfrans Liqasında çempion ola biləcəyini vurğulayıb:
"Bu il La Liqada da gözəl oyun sərgiləyirlər. Burada baş məşqçi amili də xüsusi rol oynayır. Pelleqrini çox yerlərdə nəticə verir. "Betis"in finalda da qələbə qazanacağına inanıram".
Qeyd edək ki, "Çelsi" və "Betis" komandaları arasında keçiriləcək final oyunu bu gün saat 23:00-da başlayacaq.
