Sport24.az
"Zirə səfərinə 3 xal üçün gəlmişdik. İlk dəqiqələrdən iddiamızı ortaya qoyduq. Həm kompakt müdafiə olunduq, həm də hücumda fəal idik. Fərqlənmək üçün bir neçə imkanımız olsa da, yalnız bir dəfə rəqib qapıçısını məyus etdik. Başqa qol vura bilməsək də, xarakter göstərdik. Layiqli qələbə və 3 xalla evə qayıdırıq". Bu sözləri Sport24.az-a açıqlamasında "Şamaxı"nın üzvü Vasiliye Bakiç deyib.
Monteneqrolu futbolçu komandasının potensialını tam açdaığını da bildirib: "Bu gün qələbə qazansaq da, qarşıda görüləcək çox işlərimiz var. Belə ki, yeni qurulan komandayıq. Mən də daxil, kollektivdə ilk dəfə Azərbaycan çempionatında oynayanlar var. Düşünürəm ki, oyundan oyuna daha yaxşı təsir bağışlayacağıq. Həm məşqdə, həm də oyunlarda baş məşqçinin tapşırıqlarını maksimum yerinə yetirə bilsək, uğurlarımız davamlı olacaq".
Qeyd edək ki, "Şamaxı" Premyer Liqanın IV turunda səfərdə "Zirə"ni 1:0 hesabı ilə məğlub edib.
POLAD AZƏR
