Sport24.az
Azərbaycan Premyer Liqasının XV turunun "Sabah" - "Sumqayıt" oyunundan (1:0) sonra meydan sahibi komandanın baş məşqçisi Vasili Berezutski jurnalistlərin suallarını cavablandırdı. Sport24.az xəbər verir ki, mütəxəssis əvvəlcə görüşlə bağlı fikirlərini bildirdi...
- Bugünkü oyun asan olmadı. İlk hissə daha yaxşı oynadıq. Fasilədən sonra geri çəkildik. İkinci qolu vurmalı idik. Çalışacağıq ki, daha məzmunlu oyunlar görəsiniz.
- Elvin Camalovun ehtiyatda qalması nə ilə bağlıdır?
- Elvinin oynamaması məşqçilərin qərarıdır. Rotasiyalar olacaq, yeniliklər görəcəksiniz. Bu gün də bu səbəbdən Elvin ikinci hissədə meydana daxil oldu.
- Pavel Şafranko nə üçün kapitan idi?
- Sarğı məsələsi çətin işdir. Bəzən oyunçu üçün emosional yüksəlişə səbəb olur. Buna görə sarğını Şafrankoya vermişdik.
- Komandanın potensialını necə görürsünüz?
- Potensial böyükdür. Xüsusilə, hücum xəttində. Bəzi oyun komponentlərində artırmalıyıq ki, yuxarı pillələrdəki komandalarla rəqabət apara bilək.
- Klub prezidenti deyib ki, ilk hədəfiniz komandanı toparlamaqdır. Bəs bura gəlməkdə əsas məqsəd nədir?
- Avrokuboklara vəsiqə qazanmaq.
- Kubok yolu, ya çempionat yolu ilə bunu düşünürsünüz?
- Hər variant uyğundur. Yəqin, qısa yol kubok vasitəsilədir.
- Bura gəlməzdən əvvəl Murad Musayevlə danışmısınızmı və ölkə futbolu haqda fikirləriniz necədir?
- Musayev mənə mesaj yazdı və uğurlar arzu etdi. "Qarabağ" və "Sabah"ın avrokuboklardakı çıxışını bilirdik. Musayevlə birlikdə məşqçi kurslarında olmuşuq, o vaxt da Azərbaycan futbolu haqda danışırdıq.
- Təklif kimdən gəldi və nə qədər düşündünüz?
- Təklif ani alındı və qəbul üçün böyük vaxt lazım olmadı. Bu təklifdən imtina edə bilməzdim. Burda işləmək şərəfdir.
- Azərbaycan futbolunu araşdırmısınızmı?
- Azərbaycan futbolu inkişaf edir və infrastruktura yatırımlar olunur. Hamımız bu istiqamətdə irəli gedəcəyik.
Nuh Tarverdiyev
