Sport24.az
Misli Premyer Liqasının XXVII turunun "Sabah" - "Zirə" oyunundan (1:1) sonra meydan sahibi komandanın baş məşqçisi Vasili Berezutski jurnalistlərin suallarını cavablandırdı Sport24.az xəbər verir ki, mütəxəssis əvvəlcə görüşlə bağlı fikirlərini bildirdi...
- Birinci hissəni çox yaxşı oynadıq. İkinci hissədə rəqib olmayan cərimədən fərqləndi. Oyunun sonunda da hücumda olarkən hakim oyunu bitirdi. Belə sürprizlərlə qarşılaşmamışdım. Bizə həddindən artıq sarı vərəqələr verildi. Halbuki kobud oynayan komanda deyilik.
- Oyunun nəticəsi ədalətli oldu?
- Hesab bərabər olsa da, ilk hissəni çox yaxşı oynadıq. Son 20 dəqiqədə də yaxşı performans göstərdik. Hakimlərdən danışan deyiləm, amma qəribə qərarlar oldu. Ümumi desəm, hakimlərdən məmnun deyiləm.
- Qeyri-stabil nəticələr sizi ruhdan salmır?
- Yox, ruhdan düşmürük. İşləyirik.
- Hakimlərdən narazısınız. Sizcə, bu xüsusi atılmış addımdır, ya hakimliyin səviyyəsi budur?
- Sadəcə şərh etdim. Əlavə nəsə demək istəmirəm.
