Idman.biz
"Yaxşı ki, qalib gəldik. Xarakter göstərdik. Son dəqiqələrdə qol vurduq. Çoxdandır ki, bu bizdə çatışmırdı".
İdman.biz xəbər verir ki, bunu "Sabah"ın baş məşqçisi Vasili Berezutski "Səbail"lə matçdan sonra keçirilən mətbuat konfransında deyib.
O, Misli Premyer Liqasının 31-ci turu çərçivəsində doğma meydanda qazanılan 3:2 hesablı qələbəni şərh edib: "Amma mənfi cəhət odur ki, qapımızda iki qol gördük. Son matçlarda çox qol buraxırıq. Prinsipcə uğurlar və nəticələr olmadıqda mənim özüm üçün də bir yerdə qalmaq çətindir. Ancaq gələcəkdə nələrin necə olacağını bilmirəm. Amma vəziyyətə baxacağıq. İndi "Neftçi" ilə kubok oyununa hazırlaşacağıq".
Qeyd edək ki, "Sabah" Premyer Liqada 8 oyundan sonra qalib gəlib.
İdman.biz
