Sport24.az
"Vacib oyunlardır. Ümid edirəm ki, bunu futbolçular və məşqçi heyəti dərk edir. Hər iki oyunda azarkeşləri sevindirmək üçün var gücü ortaya qoymaq lazımdır". Bu sözləri Sport24.az-a açıqlamasında Vaqif Sadıqov deyib.
Millimizin qarşıdakı Belarus və Haiti ilə yoldaşlıq oyunları dəyərləndirən Məşqçilər Komitəsinin sədri yığmamızın bu matçlarda mütləq qalib gəlməli olduqlarını açıqlayıb:
"Yaxşı oyun və sərfəli nəticə qazanmaq lazımdır. Gələcək oyunları nəzərə alaraq yoldaşlıq matçında qalib gəlmək vacibdir. Bu psixoloji cəhətdən vacib məqamdır. Bundan sonra görməliyik ki, bu milli komanda ilə hədəfimiz nədir. UEFA pəncərəsinə düşdüyünə görə hər iki qarşılaşmanın nəticəsi reytinq cədvəlində də əksini tapacaq. Xeyli vaxtı millini iş başında izləmirik. Həm də görüşlər iki fərqli stadionda baş tutacaq. Mütləq və mütləq qələbə qazanmaq lazımdır".
Qeyd edək ki, Fernandu Santuşun rəhbərlik etdiyi milli martın 22-də Sumqayıtda Haiti, 25-də isə Masazırda Belarus yığması ilə qarşılaşacaq.
