Sport24.az
"Əlbəttə, "Qarabağ" - "Səbail" oyununda üstün tərəf meydan sahibləridir". Bu sözləri Sport24.az-a açıqlamasında Vaqif Sadıqov deyib.
Məşqçilər Komitəsinin sədri Azərbaycan kubokunun 1/4 final mərhələsininin cavab qarşılaşması çərçivəsində baş tutacaq "Qarabağ" - Səbail" oyunu barədə fikirlərini açıqlayıb:
"Düzdür, ilk oyun onu göstərdi ki, "Qarabağ" asan qələbə qazanmadı. Nisbi üstünlük "Qarabağ"da qalır. Son oyunlarda "Səbail" heç də pis təsir bağışlamır. Komanda özünə inamı qaytarmaq üzrədir. Maraqlı oyun bizi gözləyir. Kağız üzərində qalıb bəllidir, ancaq bizi 90 dəqiqə gərgin matç gözləyir. Hər şey baş verə bilər. İlk oyunda sürüşkən hesab qeydə alınıb".
Qeyd edək ki, bu komandalar arasındakı ilk oyun "Qarabağ"ın minimal hesablı qələbəsi ilə başa çatıb - 1:0.
