Sport24.az
"Qarabağ" öz oyun tərzinə sadiq qalmışdı. Bu il liqanın formatı dəyişib, oyunların sayı artıb. Rəqiblərin gücünə görə "Qarabağ" tez-tez rotasiyalara əl atırdı və çempionatda fərqli heyətlə ilə çıxış edirdi. Bu da komandaya müsbət yox, mənfi təsir göstərirdi". Bu sözləri Sport24.az-a açıqlamasında Vaqif Sadıqov deyib.
Məşqçilər Komitəsinin sədri Qurban Qurbanovun avrokuboklardakı oyunların təhlilindən sonra hansısa dəyişikliklərə əl atacağını da bildirib:
"Qarabağ"a inanımımız hədsizdir. İnanırıq ki, tək oyunları ilə yox, tablodakı nəticələri ilə bizi sevindirməyə çalışacaqlar. "Qarabağ"ın etdiyi transferlərlə bağlı tənqidi fikir səsləndirmək doğru deyil. Artıq Avropa klubları Ağdam təmsilçisinin futbolçularına maraq göstərirlər. Transfer xətrinə transfer etmirlər. Gələcəkdə komandaya güc qatan transferlər olacaq. Müəyyən qədər vaxta ehtiyac var. Avrokuboklardakı çıxışları təhlil edəndən sonra Qurban Qurbanov hansısa dəyişikliklərə əl atacaq. Hansı ki, bu dəyişiklik 4-5 il azarkeşlərimizi sevindirəcək".
Qeyd edək ki, "Qarabağ" üçün avrokubok mövsümü başa çatıb.
