Sport24.az
"Premyer Liqada rəqabət artır, maraqlı çempionatın şahidi oluruq". Bu sözləri Sport24.az-a açıqlamasında Vaqif Sadıqov deyib.
Məşqçilər Komitəsinin sədri geridə qalan mövsümü intiriqalı çempionat adlandırıb:
"Turnir cədvəlində ilk iki yerdə qərarlaşan komandalarla digərləri arasında xal fərqi çox oldu. Buna baxmayaraq, intiriqa kubokun finalına qədər qalır. Bu da çempionatın səviyyəsinin yüksəlməsindən xəbər verir. Hər bir komandada eniş yaşana bilər. "Qarabağ"ın "Neftçi"ni turnir cədvəlində 46 xal qabağlaması bu mövsümə təsadüf etdi. Arzu edək ki, bundan sonra əzəmətli, yüksək səviyyəli və yuxarı pillələr uğrunda mübarizə aparan "Neftçi"ni görək".
Qeyd edək ki, Misli Premyer Liqasının cari mövsümdəki çempionu "Qarabağ" olub. "Zirə" 2-ci, "Araz-Naxçıvan" 3-cü yeri tutub. Bayıl təmsilçisi "Səbail" isə Birinci Liqaya yuvarlanıb.
