Idman.biz
Türkiyənin "Qalatasaray" klubunun futbolçusu Mauro İkardinin keçmiş həyat yoldaşının adı yenidən qalmaqalda hallanır.
İdman.Biz "La Nacion" nəşrinə istinadla xəbər verir ki, Mauro İkardinin keçmiş həyat yoldaşı, 38 yaşlı Vanda Naranın bu dəfə "Çelsi"nin argentinalı futbolçusu Enso Fernandeslə adı hallanır.
Hazırda vətənində yayımlanan "Celebrity MasterChef" şousunun aparıcısı olan Vanda həmin layihədə Ensonun sevgilisi Valentina Servanteslə birlikdə çalışır.
İddiaya görə, Vanda və Valentina arasında gərginlik yaranıb. Bu, Vandanın Fernandesə göndərdiyi mesajdan sonra baş verib.
Qeyd edilib ki, Nara futbolçuya "Az əvvəl səni məhəllədə gördüm, istəsən mənə yaz" mesajını göndərib. Fernandes isə cavab vermək əvəzinə mesajı sevgilisinə göstərib.
Xatırladaq ki, Enso Fernandes və Valentina Servantes ötən il futbolçunun xəyanəti səbəbindən ayrılıb və bir müddətdən sonra barışıblar. İndi isə Vanda Nara ilə bağlı yayılan bu iddialar onların münasibətlərinə yenidən kölgə salıb.
