Sport24.az
"Mançester Yunayted"in keçmiş müdafiəçisi Yaap Stam "Liverpul"da çıxış edən həmyerlisi Vircil van Deyk haqda fikirlərini bölüşüb. Sport24.az xəbər verir ki, niderlandlı Mersisayd klubunun kapitanı ilə bağlı bunları deyib:
"Bəziləri Vircil van Daykın İngiltərə Premyer Liqası tarixinin ən yaxşı müdafiəçisi olduğunu söyləyirlər. Lakin mən bununla razılaşa bilmirəm. Azarkeşlər indiki dönəmi ən yaxşı xatırlayırlar. Amma 20-25 il əvvəl oynamış müdafiəçiləri də unutmaq olmaz. Müqayisə etmək çətindir, amma bizim dövrümüzə fikir versəniz, Premyer Liqada bir-biri ilə rəqabət aparan daha keyfiyyətli mərkəz müdafiəçiləri var idi. Söhbət dünya səviyyəli mərkəz müdafiəçilərindən gedir. Van Daykın adına şadam. Çünki o, əla xarakterə malik əla oğlandır və əlbəttə ki, ikimiz də Niderlanddanıq. Lakin onun Premyer Liqa tarixinin ən yaxşı müdafiəçisi olduğunu düşünmürəm".
52 yaşlı veteran futbolçu karyerası ərzində "Zvolle", "Kambur", "Villem II", PSV, "Mançester Yunayted", "Latsio", "Milan", "Ayaks" klublarında oynayıb.
