Report.az
2022-ci ildə İspaniyanın "Real" klubunun futbolçusu Vinisius Juniora qarşı irqçilik edən və onun ünvanına təhqirlər səsləndirən "Valyadolid"in 5 azarkeşi ilə bağlı məhkəmə hökm çıxarıb.
"Report" xəbər verir ki, bu barədə Madrid klubunun mətbuat xidməti məlumat yayıb.
Vinisiusa qarşı irqçilik edən azarkeşlərlə bağlı 1 il müddətinə şərti həbs cəzası təyin edilib. Günahlandırılan şəxslərin 3 il müddətində rəsmi yarışların keçirildiyi stadionlara getməsinə qadağa qoyulub.
Həmçinin onlar 2022-ci ilin dekabrında oyun zamanı baş vermiş insidentə görə cərimələniblər. Bundan əlavə, onlar 4 il müddətində təhsil, idman və ya istirahət sahələrində peşəkar fəaliyyətlə məşğul ola bilməyəcəklər.
Qeyd edək ki, 2022/2023 mövsümündə İspaniya çempionatının XV turunda "Valyadolid"lə matçın 88-ci dəqiqəsində əvəzlənərək ehtiyat oyunçular skamyasına tərəf gedərkən rəqib azarkeşlər Vinisiusa qarşı irqçi təhqirlər səsləndirmişdilər.
