Idman.biz
"Valensiya", "Real Madrid"in vingeri Vinisius Junior haqqında çəkilmiş "Rəqs et, Vini" filmində kluba böhtan atdığına görə "Netflix"i məhkəməyə verib.
İdman.biz bildirir ki, bu barədə AS məlumat yayıb.
Nəşrin məlumatına görə, "Netflix" striminq xidməti ispan klubunun filmdə subtitrlərin dəyişdirilməsi sorğusuna cavab verməyib.
Filmdə "Mestalla" stadionunda 2023-cü ildə "Valensiya" – "Real Madrid" matçını əks etdirən fraqmentdə azarkeşlər Vinisiusun ünvanına təhqiramiz şüarlar səsləndirirlər. "Netflix" filmə altyazı qoyub və azarkşlərin "meymun" qışqırdığını yazır, videoda isə "axmaq, maymaq" sözləri aydın eşidilir.
Bundan əlavə, filmdə klubun həmin oyunun azarkeşlərinə qarşı intizam tədbiri gördüyü qeyd olunmur. Bununla da striminq xidməti "Valensiya" haqqında mənfi rəy yaradır.
Xatırladaq ki, 2023-cü ildə "Valensiya" – "Real" matçı madridlilərin braziliyalı hücumçusuna ünvanlanan təhqirlərə görə kütləvi dava ilə başa çatıb. "Valensiya"nın azarkeşləri irqçilikdə ittiham olunublar.
